Хабар

Затое колькi агульных тэм абмеркавалi!

Памылка

Іранеска

Не паспеy я апынуцца y краме, як за спiнай пачуy:

– Гэта ён!

Тут жа каля мяне з’явiлася сiмпатычная дзяyчына – прадавец-кансультант – i прамовiла з усмешкай:

– Добры дзень, цi магу я дапамагчы вам выбраць тавар?

Гэтую краму я наведваy неаднойчы, але так ветлiва, як сёння, да мяне тут нiколi не ставiлiся. Наадварот, звычайна я бачыy незадаволеныя твары супрацоyнiкаy.

«Мабыць, не з той нагi yсталi», – узнiкла думка.

А дзяyчына працягвала:

– Калi спатрэбiцца кансультацыя, то, калi ласка, звяртайцеся.

– Чаму б i не? – адказаy я, бо тут не кожны дзень прапаноyвалi свае паслугi. – Дапамажыце, будзьце ласкавы, выбраць парфуму.

– Гэта сапраyды ён! – зноy пачулiся галасы за спiнай. – Прыкметы супадаюць.

– Тады прайдзiце за мной, – амаль праспявала дзяyчына.

Я рушыy следам. Праз хвiлiну мы апынулiся y патрэбным аддзеле.

– Якi водар вам больш за yсё падабаецца? – запыталася прадавец.

– Розны, – адказаy я.

– Гэта правiльна, – усмiхнулася дзяyчына. – Трэба мець парфуму дзённую i вячэрнюю, летнюю i зiмовую, штодзённую i спартыyную. Ранiшняя парфума павiнна быць свежай, а на вечар лепш браць больш цяжкi водар.

За пяць хвiлiн кансультацыi я даведаyся пра адэкалоны i туалетныя воды, здаецца, усё, што можа быць патрэбна звычайнаму мужчыну.

– Якi ваш выбар? – зноy праспявала кансультант.

– Вось гэтая парфума мне спадабалася.

– Цудоyна. Яна вам падыходзiць, – усмiхнулася дзяyчына.

Я прайшоy да касы.

– Добры дзень, – павiталася касiр, якая звычайна сядзела са змрочным тварам. – Якое цудоyнае сёння надвор’е. Якраз для водару такой парфумы.

Я збiраyся yжо разлiчвацца, як да касы падбег ахоyнiк.

– Толькi што званiлi з другой крамы, сказалi, што тайны пакупнiк – дзяyчына-бландзiнка, а не…

Тры пары вачэй утаропiлiся на мяне. Першай апрытомнела касiр:

– Мужчына, хутка разлiчваемся, не затрымлiваем чаргу.

– Зараз, зараз, – паспешлiва лiчыy я купюры.

Кансультант жа y гэты час шчыра абурылася:

– Я за сёння yжо тройчы чытала лекцыю аб правiлах выбару парфумы, ажно язык забалеy! Так працаваць проста немагчыма!

У гэты момант у дзвярах з’явiлася бландзiнка.

– Гэта яна! – шапнула касiр. – Хутка па сваiх месцах!

– Добры дзень. Цудоyна выглядаеце. Цi магу я вам чым дапамагчы? – звярнулася кансультант да наведвальнiцы.

– Канешне, – адказала яна.

Тым часам я забраy сваю парфуму i накiраваyся да выхаду.