ОМОНЛИК ТИЛАЙЛИК 2-жилд

Қуёш бу кун сизсиз юз очди,

Қабрингизга куз баргин сочди,

Соғинч милт-милт мижжамдан тошди,

Ўлиб ўлмай яшайсиз, устоз,

Сиз тирикка ўхшайсиз, устоз.

Т’РђРќР?Рњ

Кўкардим, кўрдинг-у, босиб ўтдинг сен,

Қуёшга юз тутсам, тўсиб ўтдинг сен,

Қаҳрингдан дор ясаб, осиб ўтдинг сен,

Гулга умр берса, сўлдиролмайсан,

Аллоҳ жон олмаса, ўлдиролмайсан.

Элнинг эъзозидан баландроқ тоғ йўқ,

Меҳр қўрғонидан гўзалроқ боғ йўқ,

Оқибат юзидан ёруғ чироқ йўқ,

Минг йил яша, йўқни йўндиролмайсан,

Бу дунё камини тўлдиролмайсан.

Куймаган кўнгилда ўт ёқиб бўлмас,

Ниятинг нохушдир тик боқиб бўлмас,

Чоҳни чамаласанг, хуш оқиб бўлмас,

Ситам-ла сабримни синдиролмайсан,

Сойнинг суронини тиндиролмайсан.

Булбул дилим қафасларга сиғмаган,

Онам мени қул қилиб ҳам туғмаган,

Мендан нари юрсин мени уқмаган,

Менга чирмандангни чалдиролмайсан,

Аллоҳ жон олмаса, ўлдиролмайсан.

РќРђР‘Р?Р Рђ

(Набирам Муаззамга)

Орзулар кўзида жилмайган зиё,

Қартайган қувончга тутилган асо,

Жоним жарангида, эй янги наво,

Яратган бизга ҳам айлади карам,

Боболик бахтини берган набирам.

Йўлларингни кутиб толганди момонг,

Аллани соғиниб қолганди момонг,

Сени қўлларига олганда момонг,

Аллага айланди бу кўҳна олам,

Момолик бахтини берган набирам.