Вяртанне з апраметнай

Вось гэты Князь увесь час ацiраyся на гарадскiм кiрмашы, як кажуць, кармiyся з яго. Версiю капiтана Бусла мы павiнны дапрацаваць, не дае спакою ягоная yпэyненасць у тым, што Скакун i ёсць забойца Кузаyкова. Цяпер разумееш, чаму ты апынуyся на кiрмашы?

Крывiцкi згодна кiyнуy. Астроyскi выцягнуy з кiшэнi партманет, дастаy фотаздымак i паклаy перад лейтэнантам. Крывiцкi зiрнуy на здымак i адразу yскiнуy здзiyленыя вочы на маёра.

– Я не ведаю чалавека, якi са мной сфатаграфаваны, – пацiснуy плячыма лейтэнант i, узяyшы здымак, паднёс блiжэй да вачэй.

 – Праyда, першы раз бачу.

– Усё правiльна, гэта фотамантаж, – задаволена пацiраючы рукi, зазначыy Астроyскi. – На здымку ты i арыштаваны Князь. Вось цяпер наспеy час сур’ёзна пагаварыць, што i як ты павiнен рабiць, каб раскрыць забойства.

– Я гатовы, – рашуча yскочыy на ногi Крывiцкi.

– Сядзi, Алесь, у нас размова доyгая, – Астроyскi схаваy партманет, фотаздымак застаyся y Крывiцкага. – Мяне цiкавяць хлопцы, якiх ты y рапартах называеш рэкецiрамi.

Вiдавочна, яны верхаводзяць на кiрмашы i, мабыць, прамышляюць не толькi вымагальнiцтвам. Думаю, арыштаваны Князь – адзiн з iх.

– Калi я правiльна зразумеy, мне трэба больш прыгледзецца да рэкецiраy?

– Наша задача – укаранiць цябе y злачынную групу, ты павiнен стаць для iх сваiм.

– Стаць членам банды?!

– Так.

– А закон?! – не верачы пачутаму, разгубiyся Крывiцкi. – Мне ж прыйдзецца яго парушаць…

– Закон я ведаю не горш, – спахмурнеy Астроyскi.

 – Канечне, без нейкiх парушэнняy не абысцiся, але ж, па вялiкiм рахунку, iсцi на гэта трэба. Iнакш можа стацца, што Кузаyкоy i Бусел – не апошнiя ахвяры. А можа, ты па нейкiх iншых прычынах сумняваешся y правядзеннi такой аперацыi?

Крывiцкi спадылба зiрнуy на маёра i, натыкнуyшыся на адкрыты, далiкатны позiрк, сумеyся.

– Не падумайце нiчога кепскага, – таропка пачаy апраyдвацца лейтэнант, – я не баюся, але раптам прыйдзецца разам з бандай учыняць цяжкiя злачынствы? Адмовiцца нельга i зрабiць таксама.

Як тады быць?

– У кожным канкрэтным выпадку будзем разважаць пра yсё i вырашаць разам, – супакоiy лейтэнанта Астроyскi. – Адзiн на адзiн з iмi не застанешся, буду асабiста падстрахоyваць. Цяпер давай пакумекаем, як правесцi аперацыю па yкараненнi y злачынную групу. У мяне ёсць задумка…

Маёр устаy i нейкi час, засяроджана разважаючы, хадзiy па пакоi, потым зноy сеy у крэсла, пацягнуyся па цыгарэты. Крывiцкi таксама закурыy.