Вяртанне з апраметнай

Ён выструнiyся i, як i належыць падначаленаму, не парушаючы субардынацыi, адным духам выпалiy:

– Таварыш маёр, прашу выкарыстоyваць мяне y адпаведнасцi з займаемай пасадай. Больш бiбiкi бiць не магу, калi i надалей мае абавязкi будуць заключацца y тым, што раблю цяпер, то лепш адпраyце дадому… Не магу дый не хачу гуляць усляпую. Удакладнiце абавязкi, i я вылузнуся са скуры, а выканаю загад, але больш «вывучаць кiрмашнае жыццё» не магу…

– Мне б гарбаты папiць, – стрымлiваючы yсмешку, прайшоy у пакой Астроyскi.

– У мяне iншае – кулакi свярбяць, – незадаволена буркнуy Крывiцкi i знiк на кухнi.

Астроyскi адчынiy фортку, уключыy тэлевiзар i, уладкоyваючыся y мяккае крэсла, прыгадаy, як давялося выбiваць у гэтую кватэру мэблю: мяккi куток, каляровы тэлевiзар, секцыю. Палкоyнiк Качан тады yпiкнуy: маyляy, маёр уладкоyвае не канспiратыyную кватэру, а бардэль…

Успамiн рассмяшыy Астроyскага, а Крывiцкi, якi ставiy на столiк паднос з гарбатай, ацанiy маёраy смех па-свойму.

– З мяне не варта смяяцца, – пакрыyдзiyся ён. – Мяне вучылi бандытаy лавiць, а не красавацца на крышталi ды пуза расцiць на мяккай канапе… З канспiратыyнай кватэры зрабiлi чорт ведама што, быццам век тут жыць… Толькi дзяyчат не хапае…

– Ты правiльна прыкмецiy, – Астроyскi зрабiy невялiкi глыток гарбаты. – Начальства мяне yшчувала тваiмi ж словамi, – ён зноy адпiy з кубачка i жартаyлiва падмiргнуy Крывiцкаму: – А iдэя наконт дзяyчат неблагая!.

– Мне было б лепш у гатэлi, – сур’ёзна адказаy Крывiцкi i, сядаючы y крэсла насупраць маёра, цвёрда спытаy: – Што вырашылi са мной?

Астроyскi няспешна пiy гарбату i маyчаy. Лейтэнант сядзеy непрыступны i, здавалася, праглынаy яго позiркам, але пытанне больш не паyтараy. Гэтая рыса спадабалася Астроyскаму: такi чалавек не будзе проста так мянцiць языком, узважыць кожнае слова. Ён паставiy пусты кубак на стол i yважлiва паглядзеy Крывiцкаму y вочы:

– Ты чытаy некралог па капiтане Буслу?

– Чытаy, – асцярожна прамовiy Крывiцкi i таксама паставiy кубак з недапiтай гарбатай на стол, адразу зразумеyшы, чым будзе займацца.

– Капiтан Бусел працаваy над раскрыццём забойства шафёра фармацэyтычнай фабрыкi Кузаyкова. Па падазрэннi быy затрыманы раней судзiмы Павел Скакун па мянушцы Князь. Праyда, даказаць вiну Скакуна капiтан не змог, а хутчэй за yсё, не паспеy, але Князя арыштаваy за захоyванне зброi.