Танцавальны марафон

Праваруч, каля дальняй сцяны, стаяy незасланы ложак, каля яго пузацiлiся чатыры блiскучыя чорныя гiры. Больш у пакоi нiчога не было, калi не лiчыць цюлевых занавесак на вокнах i каляровай на yсю сцяну рэпрадукцыi, прыклеенай скотчам да шпалер, на якой, напяyшы мускулы, застыy лысы волат з тупым выразам на твары.

– Гасцей не чакаy, – прыкрываючы коyдрай ложак, незадаволена буркнуy Шапавалаy i адразу спахапiyся, вiнаватая yсмешка скрывiла твар. – Мацi хацела пусцiць кватарантаy, а мне патрэбна спортзала… Дом старой пабудовы, столь высокая – тое што трэба.

Хударлявы Хмара з yсiх вiдаy спорту па-сапраyднаму любiy толькi шахматы, таму захапленне «спортзалай» успрыняy скептычна.

– Не хацеy бы я жыць нiжэй паверхам, – лейтэнант шматзначна некалькi разоy стукнуy нагой па падлозе i адразу перайшоy да справы: – А хачу спытаць толькi аб адным: чаму Ваш бацька пайшоy на танцы, ён жа быy хворы?

– Ведаеце, а пра суседзяy я i не падумаy, – як i не чуy Хмару Шапавалаy.

– Праблемы будуць, калi з вышынi росту гэтая жалязяка грукнецца на падлогу.

– Я думаю пра iншае, – кульнуyся з нагi на нагу Шапавалаy i пачасаy патылiцу. – Я сто дзесяць кiлаграмаy ды штанга дзвесце… Падлога не правалiцца?

– Слухай, Сяргей, – перайшоy на ты Хмара, – тваё жалеза яшчэ прынясе непрыемнасцi, а калi не будзеш адказваць на мае пытаннi, гарантую непрыемнасцi yжо сёння…

Пагроза падзейнiчала.

«Нешта з гэтым цельпуком не тое, – нечакана падумаy Хмара, – затарможаны i на жалезе сваiм памешаны да ненармальнасцi».

– Не звяртайце yвагi, – аблiзнуy сухiя, патрэсканыя вусны Шапавалаy, – проста y мяне хутка спаборнiцтвы, а спортзалу на рамонт зачынiлi. Нешта арэндаваць грошай няма, вось i прыходзiцца круцiцца.

«Ну, хоць нешта нармальнае пачуy», – падумаy Хмара, а yголас па-начальнiцку строга спытаy:

– Хачу зразумець: чаму бацька пайшоy у клуб «Каму за трыццаць»? Не маленькi ж, у ягоныя гады гэта iнакш як глупствам не назавеш.

– Яго папрасiлi прыйсцi.

– Хто? – насцярожыyся Хмара i адразу yзгадаy Мiкулiча: што, калi падпалкоyнiк правы?! Раптам i сапраyды смерць Шапавалава не такая yжо i недарэчнасць? Але ж на падставе фактаy нiякiя версii, акрамя няшчаснага выпадку, не паддаюцца логiцы.