Алвидо, қурол

У бошдан-оёқ кийинган – оёғида қора туфли, сочи ялтирар эди.

– Тасанно, – деди у мени кўриб. – Сиз мен билан бирга мисс Барклининг олдига меҳмонга борасиз.

– Йўқ.

– Ҳа. Сиз борасиз, чунки мен буни сиздан ўтиняпман, яна бир гап, унга ёқишга ҳаракат қилинг.

– Ҳай, майли. Сал одамбашара бўлиб олай унда.

– Ювининг-да, шундоқ бораверинг.

Мен ювиндим, сочимни тарадим, йўлга отландик.

– Шошманг, – деди Ринальди, – озгина ичиб олсакмикин дейман, – у сандиқчасини очиб, ичидан шиша олди.

– Фақат стрега ичмаймиз, – дедим мен.

– Йўқ. Граппа.

– Майли.

У икки стаканга қуйди ва биз кўрсаткич бармоқларимизни чиқариб, уриштирдик. Граппа жуда ҳам ўткир эди.

– Яна биттаданми?

– Майли, – дедим мен. Граппанинг иккинчи стаканини ҳам ичиб олдик. Ринальди шишани олиб қўйди, биз пастга тушдик. Шаҳардан кета туриб исиб кетдик, лекин қуёш ботиб бормоқда эди, ўзимизни енгил ҳис қилардик.

Р?нглиз госпитали СѓСЂСѓС€ арафасида алла қандай Р±РёСЂ немис қурган каттакон виллада жойлашганди. РњРёСЃСЃ Баркли Р±РѕТ“РґР° экан. РЈРЅРёРЅРі ёнида СЏРЅР° битта ҳамшира Р±РѕСЂ СЌРґРё. Биз дарахтлар орқасидан уларнинг РѕТ› кийимларини РєСћСЂРґРёРіСѓ, тўғри олдиларига боравердик. Ринальди ҳарбийча салом берди. Мен ҳам шундай қилдим, лекин СћР·РёРјРЅРё Р±РѕСЃРёТ›СЂРѕТ› тутдим.

– Салом, – деди мисс Баркли. – Сиз, италиялик эмассиз, шекилли?

– Ҳа.

Ринальди бошқа ҳамшира билан гаплашаётган эди. Улар ҳиҳилашди.