Ибтидо

– Бу жаноб раввин Р?РµТіСѓРґР° Кёвеш, – таништирди епископ, – Каббала космологиясини РєСћРї РІР° С…СћРї ёритиб берган таниқли СЏТіСѓРґРёР№ файласуфлардан Р±РёСЂРё.

Кирш столга яқинлашди, қўлини чўзиб раввин Кёвеш билан илтифотли кўришди ва деди:

– Сиз билан шахсан танишиш бахтига сазовор бўлганимдан мамнунман, жаноб.

Кёвеш намланган кўзларини дастрўмоли билан артаркан, мамнуният‐ла бош ирғади.

– Қаршингиздаги муҳтарам зот, – давом этди епископ иккинчи одамга ишора қилиб, – ҳурматли аллома Саид ал-Фадл бўлади.

Машҳур исломшунос олим ўрнидан туриб, ёйилиб жилмайди. Миқтидан келган бу одамнинг табассум аримайдиган юзи қувноқ киришимлиликдан далолат берса‐да, тим қора кўзлари жуда ўткир боқарди. Унинг эгнида кўзга ташланмайдиган одмигина оқ либос – савб бор эди.

– Мен ҳам, жаноб Кирш, – гап бошлади Саид, – инсоният келажаги ҳақидаги башоратларингизни ўқиганман. Фикрларингизга қўшиламан, деб айтолмасам‐да, башоратингиз билан танишганим аниқ эсимда.

Кирш мулойим жилмайганча Саиднинг қўлини сиқди.

– Бу киши меҳмонимиз, обрўли ва машҳур компьютер олими, ўйин назариётчиси, кашфиётчи ва техника оламининг салкам пайғамбари ҳисобланмиш Эдмонд Кирш бўлади. Унинг келиб чиқишини назарда тутсак, бизга қилган мурожаатидан таажжубландим.