Ийэм кэпсиир… (2 чааһа)

– Мантан ордук туох үтүө күнэ кэлиэй, – Улахан Баһылай куйааһы хайҕыыр.

– Оннук бөҕө буо, – Дьабадьы сөбүлэһэр. – От күөхтүү хомуллара саныахха да үчүгэй. Кыһын күпкүөх оту атырдьаҕынан сыымайдыыр да астык… – күлүмэн ытыһын көхсүгэр түспүтүн тэс гына охсор.

Куйаас күн үүнэн кумаара соччо суох, хата ол оннугар күлүмэн биир кэм эймэҥнэс.

– Бу хапсаҕайдарын, хабыалаан түһэн таба туталларын, – диэн сөҕөр.

– Ходуһаҕа чэлгиэн сиргэ хата кыра сиккиэр тыаллаах буолан онон абыраата, охсорго үчүгэйэ бөҕөтө, – Дьабадьы хатыҥ уктаах хара кыл дэйбииринэн саннын охсунан ылар.

– Миин орто… ким да миин эптибэт дуо? – Настааччыйа дьонун кэриччи көрөр.

– Һуох…

– Сөп буоллум.

– Р?РєРєРёСЃ РѕРјСѓСЂТ•Р°ТҐТҐР° барыбытыгар РґР° наада буолар РёРЅРё, – Кыра Баһылай РєТЇУ©Р»ТЇРЅ РґРёСЌРєРё чарапчыланан тугу СЌСЂСЌ одуулаһар.

– Онно баҕас былдьаһык буолара чуолкай, – Быралгы күлэн маҥан тииһэ килэйэр.

– Оччоҕо уҥучахха ууран кэбиһиэм, – Настааччыйа күөстээх миинин кыра иһиккэ кутан уҥучаҕар тиийэн отунан сабан эҥиннээн түбүгүрэр.

Ыттар уҥучаҕы хаһыспаттар, аһаҕас да хаалбыт аһы Кыраһалаах отой тыыппаттар, иччилэрэ үөрэппиттэрэ, такайбыттара оннук.

Быралгы оллоонун маһын үөккэ туруору өйөннөрөн кэбиһэр.