ОМОНЛИК ТИЛАЙЛИК 2-жилд

Ким гулзор оралаб гоҳ чўлга ўтар,

Ўнгдан юролмаган нақд сўлга ўтар.

Армон осмонидан ерга туш, Маҳмуд,

Бу дунё у қўлдан бу қўлга ўтар.

Р—РћРњР?Рќ ЁШЛАРР?

Ҳар кўнгил бир дарё, оқмоқ истаса,

Ҳар дилда бир чўғ бор, ёқмоқ истаса.

Р?стаса, шеър отлиқ чақмоқ истаса,

Дилбар дил аҳлининг биз дилдошлари,

Хуш кўрдик, хуш кўрдик, Зомин ёшлари.

Нима бор демангиз Зомин тоғида,

Поклик қайнаб ётур ҳар булоғида,

Қуёш қалам йўнар ой ўроғида,

Шеър битса, дафтардир ҳатто тошлари,

Қалам қўлингизда, Зомин ёшлари.

Мажнунтол тагида Миртемир гувоҳ,

Баъзан шеър бўларкан биттагина оҳ,

Абдулла Орифнинг изидаги ирмоқ,

Соғу омон бўлсин олтин бошлари,

Ватан чироғидир Зомин ёшлари.

Ой доғин терарлар ойдин тунлари,

Зулфия момонинг оппоқ гуллари,

Эй назм боғининг хуш булбуллари,

Ҳамид Олимжоннинг дил қуёшлари,

Қувонч қўнғироғи – Зомин ёшлари.

Ҳар ким ҳўплолмагай кўнгил чашмасин,

Шундай шеър ўқингки, тошлар гулласин,

Муҳаммад Юсуфнинг руҳи қўлласин,

Ўзбакий рангдадир кўзу қошлари,

Зомин ёшлари, Зомин ёшлари!

САБР

Бўғзимга тиқилган ул тошларни ютолмадим,

Кўзимга сиғмаган ул ёшларни ютолмадим,

Миннатга дамланган ул ошларни ютолмадим,

Демангиз, мен ўзимга билиб жабр тиладим,

Тиласам гар Аллоҳдан фақат сабр тиладим.