УМР КИТОБИ 3-жилд

Ойлар ойни, йиллари йилни қувиб ўтиб,

Ҳақ ёр бўлди, ҳурриятни олди кутиб.

Бир-бирига қучоқ очди гуллар тутиб,

Ўзбекман деб санасам беш бармоғимни,

Кўрдим туркман, тожик, қирғиз, қозоғимни.

Бешов ўлка маърифатдан обидланди,

Юртбошилар аҳд-вафода собитланди,

Бор дунёга тинчлик деган сўз тиланди,

Ўздан бошлаб санасам беш бармоғимни,

Ўзбек, туркман, тожик, қирғиз, қозоғимни.

РќРђР’РћР?ЙДАН ЎРГАНР?НГЛАР

Одамзодни одам қилган –

Сўз бўлади, сўз танинглар,

Сўз танишни, болам, ҳар вақт,

Навоийдан ўрганинглар.

Байтида минг маъно нури,

Дил дардига шифо нури,

Навоийда Худо нури,

Навоийдан ўрганинглар.

“Хамса” – туркнинг дил достони,

Она тилнинг мангу шони,

Ўрганмоқнинг зўр имкони,

Навоийдан ўрганинглар.

У – ҳикматлар булоғидир,

Заковатнинг чироғидир,

Садоқатнинг сўроғидир,

Навоийдан ўрганинглар.

Кимга ёрдир Ҳақнинг ўзи,

У – миллатнинг боқий сўзи,

Назм аҳлин назмий юзи,

Навоийдан ўрганинглар.

Ўқиганлар одам танир,

Одам билган – олам танир,

Унинг лутфи гулдек ҳарир,

Навоийдан ўрганинглар.

Дунё омон-омон бўлсин,

Аҳдлининг азмига тўлсин.

Навоий назмига тўлсин,

Навоийдан ўрганинглар.

БОБУР БЎЛР?РЁ РћРЎРћРќ Р­РњРђРЎ

Р?нтилганга толе ёр, дерлар,

Вале ҳар ким элда достонмас.

Чин шоирлар, шерюрак эрлар,

Бобур бўлиш аммо осонмас.