Рыцар Янка і каралеўна Мілана. Агонь і лёд

– Так, i гэтым разам нам без яго нiяк, – пагадзiyся брат.

– Акурат у яго зараз новы вучань. Мо, разам што i прыдумаюць, – падтрымаy кароль.

– Новы вучань? – зацiкавiлiся юнакi.

– Ну так. Пугач ужо зусiм слабы стаy. Гады, самi разумееце. Дзяцей у яго няма, глядзi, усё жыццё пражыy, як пустэльнiк. Вось i yзяy да сябе пераемнiка, каб было каму назапашаныя веды пасля сябе пакiнуць.

– І хто ж гэта? Цi не наш пан Вуж?

– Не. Хоць i Вуж зараз пры iм, дапамагае па гаспадарцы. Крумкач гэта. Дарэчы, родам з каралеyства Вагорыя.

– Вядома ж! Такое не забудзеш.

– Дык вось, гэты Крумкач быy адзiн з нешматлiкiх, хто адмовiyся прымаць у ёй удзел. Ён ужо тады разумеy, што мы змагаемся за праyду, за сваю волю i адстойваем сваю зямлю i сваю незалежнасць, таму i не стаy прымаць удзел у нападзе на наш народ.

– Мудра.

– Так. Розумам i разважлiвасцю, нягледзячы на маладыя гады, ён заyсёды адрознiваyся. Волх яго за гэта не любiy, а чуткi пра яго мудрасць даносiлiся i да нашага каралеyства.

– Вого! Такая прапанова дарагога вартая.

– Згодны. Мяркую, i Крумкач так палiчыy i з радасцю пагадзiyся. Спадзяюся, ён аб’яднае y сабе веды абодвух каралеyстваy, i гэта паслужыць нам усiм на карысць.

– Што ж, адна галава – добра, а дзве – яшчэ лепей. Мо што i параяць.

– Тым больш, што Крумкач сам з тых краёy, – падмецiла сястра.

– Насамрэч. Што ж, цяпер мы папросту мусiм праведаць нашага старога знаёмага.

– А заадно i завесцi добрае знаёмства яшчэ з адным мудрым птахам.

Размова з бежанцамi зацягнулася надоyга i была насычанай. Пабачыyшы, з якой увагай да iх ставяцца, перасяленцы цалкам прасякнулiся шчырасцю i цёплымi пачуццямi i да караля, i да юных герояy. Амаль кожная з жанчын распавяла сваю сумную гiсторыю, поyную болю, смутку i адчаю, ад якiх часам слёзы самi наварочвалiся на вочы, а да горла падступаy цяжкi гаркавы камяк.

Па сустрэчы yсе госцi атрымалi падарункi ад караля, а дзецi яшчэ i дадаткова прысмакi, таму былi бязмежна yсцешаныя. І толькi Янка з Мiланай засталiся ячшэ больш задуменныя. Яны вельмi спадзявалiся высветлiць хоць нешта пра слабасцi Маразанны, а выявiлася наадварот – што яна нашмат больш небяспечная, чым пра яе думалi. Але i ведаць моцныя бакi працiyнiка карысная рэч – ведаеш, чаго можна чакаць, i як быць да гэтага падрыхтаваным. Папярэджаны – значыцца yзброены.