Қадр кечасидаги қотиллик

Р?ккинчидан, терговчи ҳали ёш, маҳорат СЌСЃР° аста-секинлик билан келади. Беш-олти Р№РёР» ўтиб, тилга тушган терговчи бўлиб етилишига шубҳа қилмаса ҳам бўлади.

– Раҳмат, Санжар ака, ишончингизни оқлашга ҳаракат қиламан, – деди Худойберди ҳижолатдан қизариб.

– Ҳазиллашаман-да, – кулди Хуршид, – чиндан ҳам Худойбердижон умидли терговчиларимиздан, ҳеч кимникига ўхшамайдиган ўз усули, ўз йўли бор.

– Бу киши бўлажак умидли терговчи, ҳозирча амалиётдаги талаба Жўрабой бўладилар, – ниҳоят Санжарбекка бир чеккада жим турган шеригини таништиришга фурсат бўлди.

– Ёшлар биздан кўра ақлли бўлиши табиий, – деди Хуршид талабага зимдан назар ташлаб, – шунча ақлли бошдан қуён қочиб қаёққа ҳам борарди.

Кулги кўтарилди. Ҳамкасбларнинг бир кўришдаёқ бир-бирини тўғри тушуниб, ҳазил-мутойибага киришиб кетишлари уларнинг ишчанлик қобилиятини оширгандай, ўзаро ишонч ва ҳамжихатликни мустаҳкамлагандай, орадаги бегонасираш, ётсирашга барҳам бергандай бўлди.

* * *

Кун бўйи бош кўтармасдан жиноят иши ҳужжатларини синчковлик билан танишиб чиққан Санжарбек кечда гуруҳ аъзоларини тўплади. Гуруҳ раҳбари одати бўйича, аввалло, терговчининг муфассал ахборотини тинглаб, сўнг фикр алмашишни лозим топди.